Torneo Día das Letras Galegas

O xadrez da vila homenaxea a Xosé María Díaz Castro.

Este sábado 17 de maio arredor de cincuenta persoas persoas de todas as idades participaron no Torneo de Xadrez Letras Galegas, que tivo lugar en Santa María.

Esta actividade, que cada ano organizan o Concello de Pontevedra e a Asociación de Veciños de Santa María en colaboración coa Escola de Xadrez de Pontevedra, foi unha vez máis acollida con éxito por xogadores de Pontevedra así como visitantes de paso pola nosa cidade.

Os participantes, na súa maioría nenos, rendiron homenaxe a Xosé María Díaz Castro xogando máis de cen partidas entre eles, na modalidade de Xadrez Maratón.

Ao finalizar Pilar Senorans , presidenta da Asociación de Veciños, e Demetrio Gómez, Concelleiro de Normalización Lingüística fixeron entrega de medallas e libros de literatura galega.

Demetrio Gómez sinalou a importancia de ter un día adicado exclusivamente ás nosas letras. Membros da selección galega cadete de xadrez, medalla de bronce no Campeonato de España, fixeron unha lectura homenaxeando a Xosé María Díaz Castro.

Dende a Escola de Xadrez de Pontevedra se recordou ao falecido Ramón Escudeiro, que era sempre un xogador habitual en todas as edicións deste Torneo Letras Galegas.